هذه القصيده لهجه عراقيه مع اننا كلنا اخوان ولكن لكل دوله لهجتهم الخاصه
ارسلت لى هذه القصيده من إحدى صديقاتي العراقيات المقربات لى وجارتنا فى بيروت أسأل الله ان يرجعها الى وطنها سالمه وأحببت ان ارسلها إليكم (وهذه هديه لجيتانه) لعلا ان يرتاح قلبو بعض الشيئ
والى المشرف الطيب (رهين الحب ) وللجميع ونسأل الله ان ينصر الشعب العراقي وفلسطين وكل الدول العربيه على اليهود
ولكم هذه القصيده التى تأثرت بها ولعل ان تعجبكم
يا الي ضحيت بحياتي ولجله كل عمري فنيت
انه امك يا بعد امك يابني تذكر لو نسيت
يابني ربيتك يا غالي و على سنين رباك امالي بنيت
سهرت ليل الشته بطوله وويه النجوم تسامريت
و جنت لو ردت اغفه يمه وياك اغفه لو غفيت
و افز من نومي و احضنك لو يا وليدي صحيت
يمه تعبني رباك و بالعمر يابني ولا لحظه هنيت
و جنت اكَول وليدي يرجع و احتمي بظله لو ذبني زماني و كبريت
يمه ذاك التعب كله و السهر و النوح يا يمه تحميلت
كلت تكبر و بسدك الووذ و تصبح انت حزام ظهري لو هويت
ااااااااااااااه يابني اااااااااااااه ياني
تالي وسفه ويه لوعات الدهر وحدي بقيت
تالي فركَه ويه نوح و بيت اظلم غير ذني ما لكَيت
تالي يا وليدي تخليني و تروح و تسكن ديار الغرب لهاي ابد ما حسبيت
سنين بعدك مرمرني و صبرت على النوح يا يمه تعوديت
و كابرت كَلت ابني يرجع لكَلبي يابني صبريت
وسفه ويه همومي وحدي يا الولد تالي صفيت
يا الولد بله اريد انشدكَ شلون كَلبكَ طاوعك يا بني و نسيت
يمه ببتوت الكَلب للمهد يابني هزهزيت
دلوووووووووووووووووووول يا الولد يابني دلووووووووول عدوك بالمحنه و ساكن الجول
يمه ببتوت الكَلب للمهد يابني هزهزيت
و جنت لو بتجي يا بعد امك اجيك كَلبي قبل الجدم يركض يحضن الكاروك يا بني و ابجي قبلك لو بجيت
وليدي تذكر لو نسيت ؟؟؟؟؟؟؟؟؟؟؟؟؟
يمه تذكر ذاك حضني البي دفيــــــــــــــت
؟؟؟؟؟؟؟؟؟؟؟؟؟؟؟؟؟؟؟؟؟؟؟
و انسى كل هموم عمري لو بس مره الي تبسميت
و ارد اخبرنك يا يمه (شوفو الوصيه الاخيره للوالده)
بعد مالي حيل للونه يا يمه شيبت يابني و كَضيت
ولو اجاك الخبر يابني ماتت امك
صدكَ مفتحه عيوني لشوفتك و من متت ما غمضيت
23-05-2009, 02:21 PM
